"يوميات منى و احمد فى الصحوبيه"

سيبي الشعب يتكلم عنك يا داليا ههههههههههههههههههههههههههه

هههههههههههههههههههههههههه
ماشي ياحبوبه.

شكرا lover على مجهودك وفعلا سارة صديقة بجد يارب منى تسمع الكلام بس 106 مش كتير احنا كدة هنتعبك معاناأأأأأأأأأأأوى

يا رب كلنا يبقى عندنا صحاب زي سارة دى ........ و يا سلام بقى لو كنا احنا اللى زيها
بس مفيش تعب و لا حاجة يا قمر
.................. شكرا لمرورك الجميل

بجد الواد أحمد ده واطي وزباله.

ميرسي ياحبوبه عالمجهود وعلي 3 حلقات تعباكي أنا عارفه.

بس المسلسل او القصه دي المفوض تتسمي(حديث مع الضمير).

ربنا يسامحه بقى احمد ده و أمثاله
مفيش تعب و لا حاجة يا قمر ... لما يكون عندى وقت انزلكو ان شاء الله حلقات على قد م اقدر

برافو ياحبوبه
ربنا يعينك.

.......... شكرا يا داليا لمرورك الجميل

ربنا يعينك علينا يا حبوبة وتقدرى تكملى معانا للاخر دا احنا هنتعبك اوى
زى ما منى تعبة احمد

شكرا لمرورك الجميل يا قمر .. اتمنى بس انكو اللى تكملو معايا للآخر
.. بس هي منى برده اللى تاعبة احمد ؟؟

"ومين قال ان انا عايزة احب, انا مش زيك عايشة عشان احب, الحب وسيلة مش غاية في حد ذاته ,وبعدين الي بتعملوة دا مسموش حب اسمة مصاحبة ومسموش ارتباط زي مابتقولو, انا الارتباط الوحيد الي اعرفه بيبقي بالدبل, وفي الشمال كمان".

جملتي دي مع صحابي عشان كده عجبتني.
شكرا ياحبوبه مع أنها حلقه واحده بس تسلم أيدك.

شكرا يا حبوبة على مجهودك هنفضل مستنيين الحلقات بس الدراسة هتبدأ هتكملى معانا ولا نستنى الاجازة؟؟؟؟؟؟؟؟؟؟؟؟

لا طبعا يا سندريلا معاكو , بس ابقو اعذرونى لو نزلت كل يوم حلقة واحدة ... عارفين طبعا بنبقى راجعين من الكلية ازاى هههههههههههه

............. و ميرسي مرورك الجميل يا قمر

جميل ياحبوبه
شكرا عالمجهود.

الحلقه 26

بعد هذا الحوار, لم يتوقف احمد عن"تثبيت" منى , انما كل ما توقف عنه هو كلمة بحبك, لانه ظل يتصل يسأل عليها بعد كل امتحان لها, وينتظر سؤالها بعد كل امتحان له, ولكنه لم يتوقف قط عن غضبه بعد ان رفضته, فلأول مرة يشعر بانه لا يعرف الخطة التي يسير عليها , ولا يستطيع توقع النتائج كما كان يفعل سابقا, وكأن خبرته توقفت عند هذا الحد , فلم تصل معه فتاة الي هذا الحد , الا اذا كانت تحب شخصا اخر حقا, وهذا شيء هو متأكد منه, ان منى لا تحب احدا, ولم يستطع عقله المريض استيعاب وجود فتاة مؤدبة الي هذا الحد, انه يشك حتى في رشا اخته , ولولا الحصار الذي يضربه حولها لما شعر بالراحة,على الرغم من انها لازالت في الثانوية العامة ,الا انه يعاملها كالمتهمة طوال الوقت.
اما منى فقد حصلت على ما ارادته, او هذا ما تظنه, ان احمد مازال موجودا بجانبها , ولكنه لا يطالبها بشيء, وهي تطمأن نفسها بكلمة "احنا اصحاب" , وكأنها تقنع نفسها بها, ولم تكن غبية لتفهم الوضع ولكنها فضلت تجاهله , بحجة انها في امتحانات.
****************

سارة : مش دي شيرين الي هناك دي؟
منى: اه ,باين .
سارة: شيرررري.
منى: بس, انتي بتعملي ايه؟
سارة: بنده عليها , ولا انتي خلاص مبقتيش تكلميها.
سمعت شيرين نداء سارة, فأقبلت عليهما بشوق , وعانقت كلتاهما طويلا.
شيرين: على فكرة, انتو كلاب, عشان انا كنت عاملة الزايدة قبل الامتحانات , ومحدش فيكو سأل عليا.
سارة: وانا هعرف منين؟, دانا حتى لما سألت كريم , قالي دي في اسكندرية.
شيرين: اسكندرية مين يا بنتي , دانا كنت في المستشفي.
والتفتت الي منى .
شيرين: وحتى مامتك جت زارتني , وزعلت اوي لما انتي مجتيش.
سارة: ايه دا يا منى ؟,انتي كنتي عارفة, ومقلتليش؟
منى: آآ...معلش يا شيري , كنت مشغولة ..آآ ,يعني وبعدين الامتحانات انتي عارفة.
شيرين: ومكنتيش عارفة تكلميني في التليفون؟,ولا كنتى مشغولة برضة.
شعرت منى بالاحراج بعد هذا الكلام , فشيري على حق , هي تعلم انها كانت في المستشفي, ولكنها لم تزرها, وعزفت عن الاتصال بها ايضا لا تدري لماذا ؟, ربما أثر فيها كلام احمد بعض الشيء.
وقبل ان تجب انقذتها فتاة جاءت تخفي عيني شيرين بيديها , وهي تقول : انا ميييييييييييين؟
شيرين: الصوت دا انا عارفاه....؟؟؟؟....,لاااااأ...., متقوليش ....,صافي؟؟؟
والتفتت لترى الفتاة , وهي تصيح معانقة اياها.
شيرين: صااااااااافي, وحشتيني اوي.
صافي : انتي كمان والله , عاملة ايه؟
بينما جذبت سارة يد منى , ومالت على اذنها.
سارة: انا عارفة انك طنشتي شيري بمزاجك , متبقيش غبية وتخسري صحابك البنات على كلام فاضي.
وتركت يدها لتابع الحديث الدائر بين شيرين وصافي.
شيرين: انتي اتحجبتي؟؟, مبروك.
نظرت مني الي الفتاة التي ترتدي الحجاب" سبانيش" ,ونصف شعرها المصبوغ اشقر يبرز من الامام, بحثا عن كلمة " اتحجبتي".
صافي: اصل مامة رامي واختو يا ستي محجبات , وبعدين كنا اتفقنا بعد الفرح اتحجب , اعمل ايه بقي؟
شيري: على فكرة, انا لغاية دلوقتى مشفتش صورالفرح يا ندلة.
صافي : بجد؟, استني ,انا معايا صورة, اما اوريهالك.
وبينما هي تخرج الصورة , قالت .
صافي: دانا كنت محتاجة اطلع ورق من الكلية هناك, قلت اعدي عليكو اشوفكو , مكنتش ضامنة الاقي حد عشان الامتحانات, بس قلت النهاردة الخميس اكيد الكل هيبقي موجود.
شيرين: وسلمتى على حد ؟, هتلاقيهم في مكانهم المعهود عند الكافيتيريا, كريم واشرف والعيال.
صافي: اه مانا شفتهم , بس مكانش ينفع اسلم عشان احمد واقف معاهم.
ولاول مرة تسمع منى احدا غيرها يلقب احمد باسمه غيرها, ولا يقول له ايمو كما يفعل الاخرون.
شيرين:اااااااه, وهو شافك؟
صافي: لا منا مشيت على طول اول ماشفته , انتي عارفة, انا مش ناقصة مشاكل مع رامي.
شيرين: هو معاكي؟
صافي: لا , بس انتى عارفة احمد ميتضمنش وغاوي فضايح ,ورامي بيشيط منه.
استغربت منى وسارة الحديث الدائر بصوت خفيض امامهما, وشعرت منى بغرابة الكلام توغل قلبها,فهذا الكلام المبهم , لا يدل على خير.
واثناء الحديث اقبل كريم مرحبا.
كريم: ايه دا كله بس؟, صافي هانم بجلالة قدرها هنا,بتعملي ايه في كليتنا؟
وسلم عليها بحرارة.
صافي: وانت مالك , انا اصلا كنت في كليتي قلت اتكرم عليكو شوية.
وبعد السلام والهزل قليلا , قال كريم بقلق.
كريم: ايمو شافك؟
صافي: مفتكرش ,انا اول ما لمحته جريت.
واستأنفو ثلاثتهم الحديث , حتى قالت صافي, وهي تخرج تليفونها من حقيبتها.
صافي: اه, دا رامي بيتصل , هو برة دلوقتى ,انا همشي بقي ياجماعة ,بجد كنتو واحشني.
وسلمت عليهم , وهمت بالانصراف فقالت شيرين.
شيرين: استني اوصلك للبوابة.
ثم التفتت الي منى.
شيرين: وانتي استني هنا انا مخلصتش كلام معاكي.
وبعد ذهابهم وقف كريم بجانب سارة متابعا صافي ببصره.
كريم: انتو عارفين دي مين ؟؟
سارة: ....................؟
كريم: دي الي كان بيحبها ايمو , من اول ما دخل الكلية,صافي بتاعة سياحة ,مش معقول مسمعتوش عنها.
نزل الكلام على اذن منى كالصواعق, اذا هذه هي الفتاة التي كان يحبها احمد, وشيئا فشيئا وضح الكلام السابق اما عينيها.
وفي دقائق عادت شيرين لتكمل حوارها مع منى ,وقالت لها بصوت خفيض.
شيرين: انتي عارفة دي مين؟
فاشارت منى برأسها نفيا , وشعرت بغصة في حلقها.
شيرين: كنت قولتلك ان فيه بنت قالت لايمو اني معجبة بي,..........هي دي .. بس جوزها ايه مركبهم اخر حاجه هههه

الحكايه بدأت تسخن.
بس لسه كتير أوي.....

ايه يا داليا ؟ ناوية تزهقي و لا ايه؟
ده انا مفيش حد بيرفع روحى المعنوية غيرك , و شكل الاعضاء كده زهقو و مبقوش متابعين

أكيد طبعا لالالالالا ياحبوبه.
داأنا بستني حلقاتك كل يوم
وبفرح أوي لما ألاقي أكتر من حلقه
ويمكن انتي حسه ان الاعضاء مش متابعين عشان مفيش مساهمات بس بالعكس احنا كلنا بنقرأها بس مابنبقاش عارفين نرد نقول أيه..بس