لو فى يوم اتمنينا
وعشنا نحلم واترجينا
وفتحنا قلوبنا لحبايبنا
وحبينا كل اللى حوالينا
يا ترى الدنيا هترضى بينا
والا هدور وشها وعمرها ماهتدينا
كان زمان الواحد يزرع وردة جوه جنينا
ويجى الصبح يبص عليها ويحلم لمين يديها
وعلى الليل يقطفها بس خسارة مافيش حبيب ليها
نفضل نحلم ونفكر وكأن الكون كله معانا
بس عجيبة بننسى دايما ان مافيش حاجة بايدينا
نعيش نجرى يمين وشمال وهنا وهناك
يمكن مرة تصيب ونحقق امانينا
لكن الخيبة لما تيجى اخر الليل وايديك فاضية
والوحدة مرة والحيرة ماليه الدنيه
ومافيش جنبك حد يطبطب
ولا ايد تمسح عنك دمعك
ولا حد يسمع منك شكوة
تقول الاه ولا حد يسأل مالك
تبقى ساعتها يتيم وحالتك حاله
وياريت حد يعرف عنك حاجة
ده انت غلبان ووحيد والسكات اصبح عادة
اصل ياعينى عليك
لو فتحت البق حتى الموجود بيطنش حالك
قولى يا صاحبى ايه المطلوب
علشان بس نكمل وحدة يا عالم
ماخترتش وحدة ولا عزلة
دى بس مفروضة وصاية
وعجبى عليكى يا دنيا