منتدي كلية التربية جامعة المنصورة
عزيزنا الزائر أنت لم تقم بتسجيل الدخول بعد يتوجب عليك التسجيل لرؤية المواضيع والمشاركة للتسجيل اضغط هنا أو قم بتسجيل الدخول
منتدي كلية التربية جامعة المنصورة
عزيزنا الزائر أنت لم تقم بتسجيل الدخول بعد يتوجب عليك التسجيل لرؤية المواضيع والمشاركة للتسجيل اضغط هنا أو قم بتسجيل الدخول
منتدي كلية التربية جامعة المنصورة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى تجمع لشباب كلية التربية جامعة المنصورة
 
الرئيسيةأحدث الصورالتسجيلدخول
 
 إعــــــــلان هــــام

 

 

 

أعضائنا واحبتنا الكرام نحيطكم علما بأنه قد تم نقل موقع كلية التربية لرابط جديد
وسيرفر جديد وتم ترقية الموقع بالكامل  وتحديثه بإمكانيات أفضل وأعلى
من خلال خطة تطوير موسعة .. سوف ترون وتلاحظون الإمكانيات الجديدة
والتغيرات  والفروق الواضحة التي هي في صالح تقدم وتطور موقع الكلية
من فضلك انتقل الأن للموقع الجديد من خلال الضغط على الرابط التالي
 
 
فضلا لا أمرا نتشرف بزيارتك للموقع بحلته الجديدة وسجل عضويتك من جديد
ننتظر كل أعضائنا الكرام ومشرفينا على موقعنا الجديد
**مع تحيات /مدير المنتدى
 
 
 

 

 ان كنت شاطر عيش في مصر بالف جنيه

اذهب الى الأسفل 
+4
zahraa
Ahmed
داليا
GoGo
8 مشترك
كاتب الموضوعرسالة
GoGo
عضو جديد
عضو جديد



عدد المساهمات : 9
نقاط : 14923
تاريخ التسجيل : 06/10/2010
العمر : 34

ان كنت شاطر عيش في مصر بالف جنيه Empty
مُساهمةموضوع: ان كنت شاطر عيش في مصر بالف جنيه   ان كنت شاطر عيش في مصر بالف جنيه Emptyالجمعة 22 أكتوبر 2010, 11:59 am

لو شاطر .. تعرف تعيش فى مصر بـ 1000 جنيه فى الشهر !!!


شر البلية ما يضحك .. وأكثر من ينطبق عليهم ذلك هم نحن المصريين .. فلا تخرج من أقوى المواقف الساخرة إلا فى أوقات الشدة والضيق .. ربما للسخرية من الموقف أو لتخفيف حدة الموقف أملاً فى تلاشيه .. وليس أدل على ذلك من هذه النصيحة التى يقدمها أحد المصريين لإخوانه فى الظروف الإقتصادية التى تمر بها مصر حالياً والتى انتشرت فى المنتديات العربية وخاصة المصرية :
بيان المصروف اليومى والشهرى :
- عيش بلدي : 1 جنيه يومياً = 30 جنيه شهرياً
(بس لازم تلحق دورك فى طابور الفرن وتلحق شغلك فى نفس الوقت ربنا معاك )



- حليب : 4 جنيه يومياً = 120 جنيه شهرياً( عدد واحد لتر يومياً ويارب ميطلعش بودرة سيراميك ويكفى العيال )


- فول : 8 جنيه إسبوعياً = 32 جنيه شهرياً( كيلو فول اسبوعيا يعنى 125 جرام يوميا رضا والحمد لله )


- جبنة بيضاء : 20 جنيه إسبوعيا ً= 80 جنيه شهرياً( كيلو في الأسبوع 125 جرام يوميا انت عايش )


- بيض : 5 جنيه إسبوعياً = 20 جنيه شهرياً
( عبارة عن 10 بيضات فى الاسبوع يعنى لو اربع افراد يبقى بيضه ونص يومياً للأربعة أفراد )


- خضار : 10 جنيه إسبوعياً = 40 جنيه شهرياً
( عبارة عن صنف واحد بس + كيلو طماطم + ليمونه وحزمة جرجير أسبوعيا )


- فاكهه : 5 جنيه إسبوعياً = 20 جنيه شهرياً( عبارة عن كيلو برتقال أو قشر موز مرة أسبوعيا عشان العيال تفتكر إسمه )
- شاى : 10 جنيه شهرياً
( لزوم الكيف اللى بيذل والضيوف الرزلين )


- سكر : 4 جنيه إسبوعياً = 16 جنيه شهرياً( عدد واحد كيلو أسبوعيا .. لزوم الكيف اللى بيذل والضيوف اللى معندهمش دم )


- أرز : 4 جنيه إسبوعياً = 16 جنيه شهرياً( عدد واحد كيلو أسبوعيا للعائلة كلها .. يعنى 125جرام يوميا للأسرة ومتوسط الفرد 40 جرام )


- زيت طعام : 10 جنيه إسبوعياً = 40 جنيه شهرياً( لتر اسبوعيا علشان تشرب بق على الريق يزيت معدتك ويستعمل كبديل للخضروات )


- مكرونة : 8 جنيه إسبوعياً = 32 جنيه شهرياً( عبارة عن عدد 4 كيس 400 جرام أسبوعيا .. خلى العيال تنبسط )


- دجاج : 20 جنيه إسبوعياً = 80 جنيه شهرياً
( عدد واحد دجاجة أسبوعيا للعائله .. أظن معقول )


- لحم : 30 جنيه إسبوعياً = 120 جنيه شهرياً( عدد واحد كيلو لحم أسبوعيا لزوم صنف الخضار والليمونه وحزمة الجرجير.. ألف هنا وشفا )
- بقوليات : 10 جنيه شهرياً( عبارة عن كيلو واحد بس شهريا ونقى اللى بتحبه براحتك .. عدس - لوبيا - فاصوليا )


- توابل : 10 جنيه شهرياً( عبارة عن دقيق + ملح + كمون + فلفل + كسبرة + وممكن تديها خل براحتك )


- صابون : 15 جنيه شهرياً( عبارة عن صابونه واحدة للحمام + صابون مواعين + مسحوق للملابس ( النظافة عموما )


- مواصلات : 2 جنيه يومياً = 60 جنيه شهرياً( بعد طابور الفرن تركب أتوبيس الهيئة ذهاب وعودة وبهدله لفرد واحد يوميا )


- حلاق : 10 جنيه شهرياً( عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونه اللى هتحلق بيها دقنك ( نعيما ياباشا )


- مصروفات مدرسية : 10 جنيه إسبوعياً = 40 جنيه شهرياً( عبارة عن مصروفات المدرسة + مصروف العيال اليومى + كراسات وأقلام وجلاد ... إلخ )


- دكتور : 30 جنيه شهرياً( نمرض بالدور طبعا .. عدد أربعة أفراد × مرة واحدة للفرد كل 4 اشهر وربنا يستر )


- أدوية : 50 جنيه شهرياً( أكيد طبعا العلاج بالدور وربنا يستر واثنين ما يمرضوش فى وقت واحد .. تبقى كارثة )


- فاتورة التليفون : 10 جنيه شهرياً( اشتراك الهيئة فقط .. هنرد بس ومش هنتكلم .. ماعدش ينفع كلام )


- فاتورة المياه : 10 جنيه شهرياً( للأسف ده لو فلوسك على أدك ويبقى لازم تشرب مياه ملوثة بالمجارى )


- فاتورة الغاز : 5 جنيه شهرياً( الحمد لله .. غاز طبيعى .. الله يكون فى عون اللى عنده أنابيب (10 جنيه للأنبوبة) وممكن تطلع فاضية )


- فاتورة الكهرباء : 20 جنيه شهرياً( لمواكبة التطور .. غساله ملهاش مسحوق .. تلاجة فاضية .. بوتجازيستخدم مرة كل أسبوع )


- قمامة : 10 جنيه شهرياً( ودى إجبارى طبعا ومن الواضح إن العيشة دى ما فيهاش أكل أساساً .. يبقى القمامة هتيجى منين ؟ )


- بواب : 15 جنيه شهرياً( ماهو من حقه يعيش هو كمان .. لو عشرشقق يبقى 150 جنية شهريا .. خليه يهيص )


- صيانة : 30 جنيه شهرياً( لإصلاح الأجهزة بالدور .. غسالة - سخان - بوتوجاز - مروحة - ثلاجة - سباكة - لمبات إنارة .. الخ )


- ملابس : 100 جنيه شهرياً( عبارة عن الصيفى والشتوى داخلى وخارجى واحذية وشرابات وكلونات واتصرف بقى )
-----------------------------------------
الإجمـالى : 1081 جنيه شهرياً
----------------------------------------
أكيد اللى ها يخليك تعرف تعمل الكلام اللى فوق ده ها يخليك تتصرف وتضغط مصروفاتك شويه علشان تبقى الحسبة 1000 جنيه بس .. أقولك نصيحة ؟ : ما تمرضش وما تخدش أدوية وشيل 80 جنيه معلش ربنا يقويك وينصرك على من يعاديك ويكفيك شر المرض



إيجار الشقة طبعا قانون جديد وللأسف مالهوش قانون .. كل واحد وبخته .. ومش ها نحسبها كل واحد يقعد عند أمه .
عيد الكحك ( عيد الفطر).. الكحك ضر ومالهوش لازمة


عيد اللحمة (عيد الأضحى) .. اللحمة مضرة ومالهاش لازمة
حلاوة المولد (المولد النبوى) .. السكر مضر ومالهوش برضه لازمة .. ولو على الحلويات رمضان كريم وخيره كتير


أخ خ خ نسيت احسب زكاة الفطر بس مش عارف هادفعها ولا هاخدها ؟


عموما هاقولكم على قائمة الممنوعات والمحظورات .. متقربوش منها علشان تعرفوا تكملو الشهر
ممنوع .. الحلاوة والمربى والعسل والزبدة وكافة أنواع الجبن عدا ما ذكر فى التعيين ( الجبنة البيضا )
ممنوع .. المعلبات .. تونه - بلوبيف - لانشون - سالمون – فول - وطبعا البسطرمة والزيتون والمخللات
أوعى قلبك يحن لعيل من العيال وتجيبله شيبسى ولا بيبسى أو كراتيه ونايتى ولاعسلية ولا بسكوت ولا شيكولاته .. إياك ومنتجات العيال الصغيرين حتى لو حليب بالفواكه أو لبان وجيلى كولا وهوهوز .. حتى الشيتوس يتفرج على الكرتون بتاعه فى التليفزيون ومتخليهوش يتفرج على الاعلانات بين الفاصل
ممنوع اللحوم بأنواعها .. البوفتيك والاستيك والرقبة والموزة واللوزة كله كلام فاضى خليك فى تعيينك الاسبوعى .. ومتنساش ان البانيه والفيليه من الممنوعات .. وماتقربش وماتمشيش فى الشارع جنب كنتاكى وهاردييز وهاربيز وتكه ومؤمن وكوك دور .. وإياك من السندوتشات عموما زى الطعمية والبطاطس والباذنجان والحاجات الحلوة دى مش مطلوبه تعملك حموضه وهتحتاج فوار وإحنا ماعملناش حسابه فى مشتروات الدوا .. وطبعا مش محتاج أقولك وافكرك انك ممعكش فلوس علشان يبقى نفسك فى سندوتش فرنساوى مليان كبدة اسكندرانى ولا مخ .
خليك واقعى وانسى المحمر والمشمر واللب والسودانى والتسالى بانوعها والمحمصات والمقرمشات والمكسرات بأنواعها .. بالعربى أنت زى العصفورة تاكل عيش ودنيبة رز وتشرب ميه .. عمرك سمعت عن عصفورة ركبت دش أو وصلت نت او حتى فكرت تاكل ترمس او تشرب حمص كله كلام فاضى ممنوع ياسيد
اهم حاجة ماتروحش لدكتور ومتجبش مدرس ولا ادوية وإياك من المعجنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم
طبيعى انك مش هتقرب من الفواكه خالص زى البرقوق والمانجو والبطيخ والفراوله والكيوى والخوخ والعنب والتفاح حتى الكاكا والحرنكش والنبق والقصب والدوم والتوت .. كل ده ممنوع سيادتك
وطبعا معجون الاسنان والحلاقة والشامبو والبلسم كلها رفاهيات ماليكش فيها زى البصل والتوم والبطاطس كلها أساسيات ماليكش فيها برضه .. وماتنساش تبعت الميل للناس اللى تعرفهم هما اكيد زيك محتاجين شوية نظام مش اكتر هما غلابة .. وفكرهم يقولوا لعيالهم لو شافوا مسلسل فى التليفزيون مليان بهرجه إن دى قصص خيالية كانت فى العصور القديمة فترة من الزمن .. وإن الواقع زى ماهما شايفيينه دلوقتى .
حتى الإعلانات حاولوا تفهموهم إنها مجرد ألوان مبهرة وتكنولوجيا فى علم التصوير وتخيلات .. ممكن تحصل بعدين فى يوم ما .. زى ماحصل فى امريكا وكندا وفرنسا والمانيا واوروبا كلها .. وان الحاجات دى علشان لما الناس دى ييجوا عندنا يلاقوا منها ويعرفوا يعيشوا .. وإن الحاجات دى مش لينا .. دى ليهم هما .. هما أصحاب البلد ولازم ينبسطوا .
عموماً لو على الكلام .. الكلام مش ها يخلص .. روح بقى الحق طابور العيش لايفوتك .. تبقى مصيبة لو انا اللى عطلتك ورحت لقيت الفرن شطب .. وتقعد طول اليوم تدعى عليا .. واحنا مش ناقصين حد يدعى علينا .. إحنا اللى فينا مكفينا .

الرجوع الى أعلى الصفحة اذهب الى الأسفل
داليا
مشرف
داليا


عدد المساهمات : 947
نقاط : 16086
تاريخ التسجيل : 29/08/2010
العمر : 32

ان كنت شاطر عيش في مصر بالف جنيه Empty
مُساهمةموضوع: رد: ان كنت شاطر عيش في مصر بالف جنيه   ان كنت شاطر عيش في مصر بالف جنيه Emptyالجمعة 22 أكتوبر 2010, 12:18 pm

ههههههههههه بجد جميل ياجوجو
بس دي تبقي عيشه ذل أوي والله ربنا مايكتبها علي حد.
الرجوع الى أعلى الصفحة اذهب الى الأسفل
Ahmed
المدير العام
المدير العام
Ahmed


عدد المساهمات : 1111
نقاط : 19012
تاريخ التسجيل : 11/02/2010
العمر : 32

ان كنت شاطر عيش في مصر بالف جنيه Empty
مُساهمةموضوع: رد: ان كنت شاطر عيش في مصر بالف جنيه   ان كنت شاطر عيش في مصر بالف جنيه Emptyالجمعة 22 أكتوبر 2010, 3:53 pm

ههههههههههههههههههههههههههههههههههه

وهذا هو الواقع المؤلم .. الى كله بيحاول ينساه ، دا gogo كمان كاتبة الأسعار رخيصة Evil or Very Mad
الرجوع الى أعلى الصفحة اذهب الى الأسفل
https://tarbiaa.yoo7.com
zahraa
عضو مميز
عضو مميز
zahraa


عدد المساهمات : 140
نقاط : 15109
تاريخ التسجيل : 27/09/2010
العمر : 33

ان كنت شاطر عيش في مصر بالف جنيه Empty
مُساهمةموضوع: رد: ان كنت شاطر عيش في مصر بالف جنيه   ان كنت شاطر عيش في مصر بالف جنيه Emptyالجمعة 22 أكتوبر 2010, 5:20 pm

ههههه جميل موضوعك بس فعلاانتى مسهلاه عليناشويه الحقيقه اصعب يالاربنامع الجميع
الرجوع الى أعلى الصفحة اذهب الى الأسفل
ميرنا
مشرف
ميرنا


عدد المساهمات : 501
نقاط : 15702
تاريخ التسجيل : 29/06/2010
العمر : 32

ان كنت شاطر عيش في مصر بالف جنيه Empty
مُساهمةموضوع: رد: ان كنت شاطر عيش في مصر بالف جنيه   ان كنت شاطر عيش في مصر بالف جنيه Emptyالسبت 23 أكتوبر 2010, 7:43 pm

طبعا دى تبقى عيشه مرفهه جدا
الرجوع الى أعلى الصفحة اذهب الى الأسفل
d7ka mn been demo3
عضو فضي
عضو فضي
d7ka mn been demo3


عدد المساهمات : 250
نقاط : 15241
تاريخ التسجيل : 27/09/2010
العمر : 32

ان كنت شاطر عيش في مصر بالف جنيه Empty
مُساهمةموضوع: رد: ان كنت شاطر عيش في مصر بالف جنيه   ان كنت شاطر عيش في مصر بالف جنيه Emptyالسبت 23 أكتوبر 2010, 7:59 pm

يا خراشي يا جوجو دا ايه الجو دا
افتحيها يا بنتى الناس على وش جواز
كدا البنات هتعنس والرجاله مش هيجلها نفس اصلا لمجرد التفكير ف الجواز
هههههههههههههههه
ربنا معانا
الرجوع الى أعلى الصفحة اذهب الى الأسفل
سندريلا
مشرف
سندريلا


عدد المساهمات : 529
نقاط : 15646
تاريخ التسجيل : 25/07/2010
العمر : 32

ان كنت شاطر عيش في مصر بالف جنيه Empty
مُساهمةموضوع: رد: ان كنت شاطر عيش في مصر بالف جنيه   ان كنت شاطر عيش في مصر بالف جنيه Emptyالسبت 23 أكتوبر 2010, 8:08 pm

هههههه هى العيشة دى تنفع دا لا ودا ممنوع ودا على اساس انى فى حد بيقبض 1000جنية قليلون اوى بس يالله ربنا يعين الناس فى الحياة المرة دى
الرجوع الى أعلى الصفحة اذهب الى الأسفل
lover
مشرف
lover


عدد المساهمات : 764
نقاط : 16304
تاريخ التسجيل : 28/03/2010
العمر : 31

ان كنت شاطر عيش في مصر بالف جنيه Empty
مُساهمةموضوع: رد: ان كنت شاطر عيش في مصر بالف جنيه   ان كنت شاطر عيش في مصر بالف جنيه Emptyالسبت 23 أكتوبر 2010, 9:36 pm

ده الكلام ده لو شاطر طبعا
الرجوع الى أعلى الصفحة اذهب الى الأسفل
 
ان كنت شاطر عيش في مصر بالف جنيه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي كلية التربية جامعة المنصورة :: المنتدى الترفيهى والموضوعات العامة :: قسم المواضيع العامة-
انتقل الى: