لعبة حبل الغسيل

شكرا على الرد يا جميل

الحمد لله.

جامدة اوى اجاباتك يا داليا .. تمام
بس انا هسأل سؤال تانى /
لو تحبى ان الزمن اللى انتى عايشة فيه يتغير , تتمنى تكونى فى اى زمن ؟؟؟؟؟؟؟؟؟؟

شكرا ياحبوبه هي اللعبه دي مش كل واحد سؤال ولا كام بالظبط لاني شكلي كده هادوب من كتر النشر
المهم :
لو هاغير زمني مع انه عاجبني
ممكن أروح زمن كانت فيه الستات مبتخرجش ومش واخده الحريه والمساواه اللي هي وخداها دلوقتي وأشوف كانت عايشه اذاي أيام مكنتش بتخرج من غير حجابها وما كانت بتتغصب علي الجواز ومكنش ليها رأي وأشوف أنا كنت هاعمل أيه لو كنت في مكانها أصلي متمرده علي الوضع اللي ميعجبنيش علي فكره.

لا معلش
انا عن نفسي هفضل اسال لحد م ييجى حد ينقذك

ليه كده ياحبوبه ماشي براحتك هايجيلك يوم برده.

..................... ربنا يستر

لا ماتخفيش كده
موتي من الرعب بس ههههههههه.

ههههههههههههههههههههههههههههه
ماشي يا مرعب

لا ماتخافيش طبعا.

سؤالى ليكى ياداليا...اية اليوم اللى تحبى انة يجى بسرعة ولية
اية اليوم اللى تتمنى ما يجيش

شكلك ياداليا ما فيش حد هينقذك علشان كدة انا هانقذك وهاقول واحد بس بعد ما تجوبى سؤالى الصغير

ميرسي ياسندريللا بس ليه بعد أما أجاوب ماتخليها قبل.
اليوم اللي نفسي ييجي بسرعه فيه أيام كتير يعني مثلا نفسي في اليوم اللي هايكون ليا فيه ابن أو بنت (وده طبعا مش دلوقتي) بس نفسي الايام تفوت وأشوفه وكمان نفسي اشوف يوم تخرجي وبجد نفسي أشوف يوم وفاتي عشان أنا مش حبه أعيش كتير أو أكبر في السن أوي قولوا آمين.
واليوم اللي نفسي مايجيش خالص يوم وفاه بابا أو ماما أو هاييجي بس أنا مكنش موجوده في الدنيا.

لية كدة بس ربنا يديك طولة العمر لحد ماتشوفى احفاد احفادك
خلاص انا هاقول(1)

ربنا يبارك فى عمرك ... وأنا هقول (2) كفاية ع داليا كده ، ولونى كنت عايز اسئل اسئلة كتير.

ربنا يخليكي ياسندريللا مع ان الموت مش حاجه وحشه.
واسأل ياأحمد أسئلتك وأنا هاجاوب ياللا.

نوقف العد يعنى؟؟؟؟؟؟؟؟؟؟؟؟؟؟؟؟

وماله نوقف العد

اوك

لو قالولك تهدى جملتين لشخصين مختلفين :

*الأولى : "حسبى الله ونعم الوكيل" .. من نصيب من تكون هذه الجملة؟
*الثانية:"يا رب يباركلنا فيك" .. من نصيب من تكون هذه الجملة؟

أنا رجعت في كلامي وبقول نكمل عد
ههههههههه

الجمله الأولي (حسبي الله ونعم الوكيل) دي صعبه أوي ولايمكن أقولها لأي حد بجد لاني مابحبش أدعي علي حد مهما عمل فيه بس ممكن تبقي عامه لأي خاين أو ظالم.
أما التانيه(ربنا يباركلنا فيك) وتسمحلي أكسرها وتبقي فيكي وهي (لأمي) ربنا يباركلي فيها ويخليهالي.
ها أي خدمه تانيه؟؟

نكمل العد ولااااا نكمل أسئلة؟؟؟؟؟؟؟؟؟؟؟؟

مادام لسه فيه اسئله نبقي نكمل أسئله.

بما أنك علم نفس يا داليا ، ممكن تحكمى ع نفسك بأنك اتطوائية ولا انبساطية اى اجتماعية؟

كويس أنك عرفتني يعني ايه انبساطيه ياأحمد(أجتماعيه)يعني.
المهم :
أنا مقدرش أحكم علي نفسي المفروض اللي يعرفوني هما اللي يقولوا بس أنا مش انبساطيه أوي يعني ممكن أكون كده مع أصحابي وأهلي ومع اللي أعرفهم أوي بس .
لكن اللي يشوفني أو يتعامل معايا لأول مره يشوفني انطوائيه جدا أو هاديه زياده عن اللزوم ودي بتبقي مشكلتي ساعات كتير.
وبرده ممكن انبساطيه معاكوا عشان مش شيفاكوا لكن لو شفتكوا هاتجه للهدوء شويه.
يعني من الآخر ممكن نقول اني هاديه بس مش انطوائيه بالمعني اللي أنا درساه.
وبس.