السلام عليكم ورحمة الله وبركاته
اخواني واخواتي في الله
جمعني الله واياكم مع حبيبنا في جنة الفردوس اللهم امين نفسي اقول مشهد تخيلته بس استأذن اخواننا اني اقول كلمه للبنات الاول وكلمة حضارتكم بعد ما اكلّم البنات بعد اذنكم
حبيبتي في الله يا بنت النبي عليه الصلاة والسلام يا حفيدة امهات المؤمنين
تخيّلي معايا كده المشهد ده
معاكي امانه عباره عن "ورقه بيضاء" نقيّه جميييييييييييييييييييييييله واللي سابها معاكي امانه هو اكتر حد بيحبّك في الدنيا واحن عليكي من اي حد بيحبك اويييييييييييييييييييي عمرك ما شفتي ولا هتشوفي معاه غير كل خير باذن الله
وقاللك الورقه دي مش ملكك دي ملكي انا وانا سايبها معاكي امانه اوعييييييييييييييييييييي تديها لحد عشان انا عايزها تفضل بيضاء وانا وقت ما احب هبعتلك حد يستلمها منك وتأكدي طالما انا اللي اخترته هيحافظ عليها
وجيتي حضرتك مسمعتيش الكلام للاسف ورحتي بنفسك اديتيها لشخص او اول ما جالك شخص قولتيله اتفضل ونتيجه لانه متعبش انه يلاقي الورقه البيضاء النظيفه فطبيعي مهتمش بها خاااااااااااااااااااااالص وفضل يشخبط ويقطع ويلوّث فيها وبعدين سابك انتي والورقه تعرفي ليه؟؟؟؟؟؟؟؟؟؟
عشان يدوّر على غيرها ..............................
وجه شخص تاني لقى ورقه لسه بيضاء تعب عشان يلاقيها مش هيّ اللي راحتله وحتى لما راحلها هي قالت لا دي مش ملكي
راح واستأذن من صاحبها عشان ياخدها ولما صاحبها اذنله عرف الشخص ده قيمتها فلما تعب عشان يوصلها اول ما مسكها رسم فيها مياه وزرع وبيت جميل شويّه ورسم شمس واطفال فرحانين
وجه صاحب الامانه شاف ورقة البنت دي طبعا ضحك لها جدا وبارك لها على الورقه وعلى شكلها الجديد وكل يوم بيباركلها وبيساعد الشخص ده عشان يجمّل الرسمه اكتر واكتر
وجه لحضرتك قاللك فين امانتي؟؟؟؟؟؟؟؟؟؟؟؟؟؟؟؟؟؟
وشافها وزعل انها اصبحت كده ملوثه مش نظيفه زعل عشانك لانه بيحبك ومكنش يرضى ليكي كده هو كان يحب انه انتي كمان ورقتك تترسم فيها وتكون جميييييييييييييييييله لكن انتي اللي استعجلتي
تعرفي ليه ورقة البنت التانيه جميله لانها صبرت واستنت لما صاحب الامانه بعتلها اللي يرسم فيها الرسم الجميل ده
عارفه ايه الورقه يا حبيبتي ......................."هيّ قلبك"
عارفه مين اللي ائتمنك عليها .........................."حبيبك ربك"
ولله المثل الاعلى والاعظم ربنا ائتمنا على قلوبنا يا بنات قلوبنا مش ملكنا والله ملك كل شئ هو مالكها
ايه رأيك يا حبيبتي في الله تحبّي " قلبك " يكون ورقه بيضاء "يتشخبط عليها" وتكون كده ملك لاي حد يقطعها او يعمل فيها اللي هو عايزه
ولا تحبي تكون الورقه الجميله اللي اترسم فيها مياه وزرع وشمس وبيت جميل واطفال
لو عجبك شكل الورقه الاولى ياللا اتفضلي روحي اديها لاي حد قوليله الورقه دي ملكك وانا جايالك بنفسي
لكن انا واثقه انه مفيش بنت من بنات النبي عليه الصلاة والسلام ولا بنت من امته ترضى على نفسها المنظر ده مفيش بنت حرّه ترضى بشكل اقل من الورقه التانيه
حبيبتي اصبري الزواج عمره ما هييجي بالصحوبيه ، لا تلتفتي بالله عليكي لاحصائيات العنوسه كل ده ربنا مقدره ووالله لو صبرتي ربنا هيبعتلك اجمل اختيار هو انتي عمرك شفتي مع ربنا غير كل خير
اخي الشاب من فضلك من نفس المشهد اللي فات اختار منه ورقه لاختك
اكيد حضرتك هتختار تاني ورقه
ولو حضرتك ملكش اخوات بردو يا اخي أي بنت ماشيه في الشارع او جارتك او معاك في الجامعه او في الشغل هي اختك في الله هي جارتك في الجنه باذن الله هيّ بنت النبي عليه الصلاة والسلام ساعدها انها تحافظ على ورقتها
لو شفت أي بنت وحسيت انها هي دي الزوجه الصالحه باذن الله اللي ربنا اختارهالك روح لوالدها او ولي امرها فورا ولو لك نصيب فيها والله ما هيتجوزها غيرك
وانا احسبكم جميعا على خير وانكم ممن يستأذنون من اولي الامر لكن اللي عايزه حضارتكم تعملوه تنصحوا أي اخ وقع في المعصيه دي " الصحوبيه" عرفوه انه كده بيؤذي بنات النبي وبيزعل النبي عليه الصلاة والسلام
وباذن الله مفيش مسلم يسمع انه كده بيزعل حبيبه ويسكت وميحاولش يرجع ويتوب
يا بنات علينا بالصبر والله الرحمن حبيبنا بيجهزلنا اجمل هدايا باذن الله بس الصبر والمحافظه على الامانه
يا بنات احنا جنة الدنيا باذن الله
هما مش بيقولو " اللهم آتنا فى الدنيا حسنةو فى الاخرة حسنة و قنا عذاب النار "
ايوة الزوجة الصالحة هى حسنة الدنيا
ايوه الزوجه الصالحه هي جنة الدنيا يارب نكون كلنا زوجات صالحات
ايه رأيك الجنه تمنها رخيص؟!! واي حد يدخلها كده ولا ايه ؟؟؟؟؟؟؟؟؟؟؟؟
اكيد غاليه والوصول لها صعب وكمان لازم تحافظ على نفسها عشان متتحولش لشئ رخيص سهل .....................
يا شباب احنا بنات النبي عليه الصلاة والسلام تحبّوا تؤذوا النبي في بناته طيب تحبّوا تشوفوا حد بيؤذيه في بناته من غير ما تنصحوه ؟؟؟؟؟؟؟؟؟؟؟؟؟؟؟؟؟؟؟؟؟؟
يا شباب اذا فزتم بزوجه صالحه هتكونوا فزتم بجنة الدنيا واكيد كلنا عارفين ان الجنّه تمنها غالي واهم حاجه الصبر
ياللا نقول بجد "قلوبنا ملك مالكنا "
بنوعدك يارب من اللحظه دي باذنك هنحافظ على قلوبنا ومش هتكون لاي حد غير اللي هتختاره لانه هيكون اجمل اختيار
يارب ارزق كل البنات الزوج الصالح اللي يعينهم على طاعتك
يارب ارزق كل شباب المسلمين الزوجه الصالحه اللي تعينهم على طاعتك
يارب ارزقنا اطفالا يباهي بهم حبيبك صلى الله عليه سلم الامم يوم نلقاك يا كريم
اللهم امييييييييييييييين امييييييييييييييييين امييييييييييييييييييييييييييين
جزاكم الله كل خير
منقول للافادة
