خطيب و خطيبته بيحبو بعض اوى اوى اوى

خطيب و خطيبته بيحبو بعض اوى اوى اوى





الخطيب : بحبك ( يا بااااااي )


الخطيبة : وانا كمان ( داهيه تاخدك )



الخطيب : من اخر مره وانا بافكر فيكي ( يارب تغوري من وشي )


الخطيبة : يا حبيبي وانا كمان ما بطلتش تفكير فيك ( الهي اصبح
الصبح الاقيك متنيل بعيد عني )


الخطيب : امال فين حماتي مش شايفها يعني ( الحربايه الكبيره )



الخطيبة : موجوده اندهها لك ( علشان تسم بدنك )



الخطيب : اه طبعا يا حبيبتي وانا اقدر استغني ( يارب تتكعبل في
السجاده وهي جايه )


الخطيبة : ماما تعالي كلمي ( علي الله تقولك حاجه ترفع لك
الضغط )


الخطيب : اهلا يا حماتي ازيك ( الهي ما تكوني بخير )



الحماة : اهلا يا خطيب بنتي ( بلا نيله )



الخطيب : عندي ليكو خبر حلو انا لقيت شقه ( الهي ما توعو
ا انتي وبنتك تشوفوها )


الحماة : الف مبروك يا حبيبي ( ياما جاب الغراب لامه )



الخطيب : حنروح نشوفها بكره ايه رايك يا حبيبتي ( علي الله تتكعوري عالسلم وانتي طالعه )


الخطيبة : وماله طبعا لازم نشوفها ( اكيد قد الحق وفي منطقه معفنه )


الخطيب : علي فكره يا حماتي ( جتك حمه )




الحماة : ايه يا خطيب بنتي ( خطيب الشوم والندامه )



الخطيب : انا كنت عاوز اقابل عمي علشان كتب الكتاب ( عمي قال عمي قال ده انتي اللي عمي )


الحماة : وماله يابني بس مش لسه بدري ( جتك نيله مستعجل على ايه)


الخطيب : ما هو خلاص يا حماتي احنا قربنا ( يا ريت ترفض

علشان افركش ام الجوازه دي )


الحماة : طيب يابني لما يجي عمك حاقوله ( جتك نيله علشان

نستريح من زيارتك الغلسه )


الخطيب : طيب يا حماتي انا حامشي دلوقتي ( افففففف انا

اتخنقت من الوليه دي )


الحماة : ماهو لسه بدري ( في ستين داهيه )



الخطيب : باي يا حبيبتي ( حبك برص )



الخطيبة : مع السلامه يا حبيبي ( البلد اللي تودي )



الخطيب : كلميني في التليفون ( يا رب يقطعوا الحراره )




الخطيبة : اكيد يا حبيبي ( غور بقى )



هههههههههههههههههههه


يارب اسمع رأيكم في فترة الخطوبة وبصراحة جدا ........
انا من رأيي هيا احلى واروع وامتع واحسن حاجة في الجواز

اولا..شكرا على الموضوع
ثانيا..انا معاكى ان فترة الخطوبة احلى فترة والاتنين المخطوبين بيقضوا فيها احلى ايام حياتهم بس لما الخطوبة دى تتطول اكتر من اللازم بيبقى شكلها وحش وبيزهقوا منها خصوصا الاهل

اكيد طبعا لما بطول بتبقى رخمه اوى
وميرسي على ردك يا قمر

ههههههههههههههههههههههههههههههههههه
يا ترى ده واقع بجد ؟؟؟؟ دى تبقى حاجة وحشة اوى
, بالنسبة لفترة الخطوبة فهى اكيد حاجة مهمة جدا للارتباط , لكن زى م سندريلا قالت انها لو طولت مش بيبقى كويس
............... شكرا كتيييير ع الموضوع الجميل

هههههههههههه موضوعك جميل ياهدير شكرررررررا لمجهودك الجميل

ياسلاااااااام علي خفه الدم.
وبعدين بالشكل ده تبقي الخطوبه اوحش حاجه فالدنيا يااستاذه هدير صح؟

بجد موضوع حلو اووووى
بس لو كانت فترة الخطوبه بالشكل ده يبقى بلاش منها
دا واضح ان هما مش طايقين بعض خالص

واضح انهم بيموتوا فى بعض
هههههههههههه

هههههههههههههه
واااااااضح جدا

هههههههههههههههههههههههههههههههههههههههههه
انا اول م شفت تلاتة اوى ف عنوان الموضوع قلت اكيد في حاجة غلط

ايه دا ياجماعه لأ مش كدا خالص..انا حاسه ان الخطوبه دي احسن فتره ف حياة الولد والبنت..وبعدين لما هما كدا دلوقتي هايعملوا ايه بعد مايتجوزوا..ربنا يستر..