منتدي كلية التربية جامعة المنصورة
عزيزنا الزائر أنت لم تقم بتسجيل الدخول بعد يتوجب عليك التسجيل لرؤية المواضيع والمشاركة للتسجيل اضغط هنا أو قم بتسجيل الدخول

منتدى تجمع لشباب كلية التربية جامعة المنصورة
 
الرئيسيةاليوميةس .و .جبحـثالأعضاءالمجموعاتالتسجيلدخول
 
 إعــــــــلان هــــام

 

 

 

أعضائنا واحبتنا الكرام نحيطكم علما بأنه قد تم نقل موقع كلية التربية لرابط جديد
وسيرفر جديد وتم ترقية الموقع بالكامل  وتحديثه بإمكانيات أفضل وأعلى
من خلال خطة تطوير موسعة .. سوف ترون وتلاحظون الإمكانيات الجديدة
والتغيرات  والفروق الواضحة التي هي في صالح تقدم وتطور موقع الكلية
من فضلك انتقل الأن للموقع الجديد من خلال الضغط على الرابط التالي
 
 
فضلا لا أمرا نتشرف بزيارتك للموقع بحلته الجديدة وسجل عضويتك من جديد
ننتظر كل أعضائنا الكرام ومشرفينا على موقعنا الجديد
**مع تحيات /مدير المنتدى
 
 
 

شاطر | 
 

 "يوميات منى و احمد فى الصحوبيه"

اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6, 7, 8, 9, 10  الصفحة التالية
كاتب الموضوعرسالة
سندريلا
مشرف
avatar

عدد المساهمات : 529
نقاط : 9274
تاريخ التسجيل : 25/07/2010
العمر : 26

مُساهمةموضوع: رد: "يوميات منى و احمد فى الصحوبيه"   الأحد 12 سبتمبر 2010, 9:25 pm

بجد القصة شدتنا ليها ومستين الاحداث
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lover
مشرف
avatar

عدد المساهمات : 764
نقاط : 9932
تاريخ التسجيل : 28/03/2010
العمر : 25

مُساهمةموضوع: رد: "يوميات منى و احمد فى الصحوبيه"   الإثنين 13 سبتمبر 2010, 6:28 pm


الحلقه العاشره




منى: هو فين البيت بقي , يوووووووووووه.
وقفت مني تكاد تبكي ,لثالث مرة تدور في هذا الشارع ذهابا وايابا, لقد اخبرها احمد ان هذا هو العنوان, وهي متأكدة ان هذا هو المكان الذي شرحه لها, برج الرحمة , امام محل ملابس اطفال كوكو بارك, ها هو المحل يحتل ناصية كاملة تطل على شارعين, اين برج الرحمة؟ , سألت الناس ,ولم تصل الي شيء, ماذا عساها تفعل؟

منى*ياربي بقي , اعمل ايه دلوقتى؟,معادش الا عشر دقايق ,اتصل باحمد اسأله؟؟
لااااا, اهو كلو الا دا ,احمد ايه ؟ انتي اتجننتي؟
ايه هو الي لأ؟, امال هتعملي ايه يعني
لا مش هتصل بيه ابدا, انا اخري معاه انو اتصل اداني العنوان في السريع وقفل , خلاص انتهينا
اه واديكي تايهة اهه, خلاص بقي خليكي واقفة مكانك , وتعالي يوم التلات برضه اقفي مكانك
يباااااااي , طيب هتصل بيه , بس هي المرة دي بس
******************

أحمد*اخييييرا , دانا بقالي نص ساعة مستني تتصلي , كل دا بتقاوحي نفسك
احمد: السلام عليكم.
أحمد*يا واد ياجامد
منى : عليكم السلام , احمد بقولك ايه انا مش عارفة البيت فين؟
أحمد*طب منا عارف
احمد: بيت ايه؟
منى*دا وقت غباوة انت كمان
منى : البيت الي فيه الدرس.
احمد: اهههه, انتي فين دلوقتى ؟
منى: عند كوكو بارك.
احمد :هتلاقيه قدام المحل.
أحمد*دوري من هنا لبكرة
منى : قدامه ناصيتين ادخل من انهي شارع؟
احمد: ناصيتين؟؟ لا انا مش فاهم حاجه
أحمد*هههههههههههههههههه
منى : منا مش عارفة ومفيش وقت.
احمد: طب بقولك ايه , انا قريب من المكان ,خليكي في مكانك , عشر دقايق وهكون عندك.
منى: لأ , انت بس قولي ادخل منين.
احمد: ماهو انا الي فهمته من الي شرحلي المكان قولتهولك , بس انت استني, انا جاي , باي
أحمد*استنيني بقي
منى: آ...آآآآ... انت يازفت , قفلت؟, الله يحرقك.
منى*هعمل ايه انا دلوقتي ,انا كان ايه الي خلاني اتصل
ياستي اسكتي بقي , الحق عليه انه جاي يلحقك , اظبطي انتي شكلك المبهدل دا واعدلي نفسك كده
***************

وصل احمد متمخترا , يكاد ينفجر من الضحك وهو يري منى واقفة كالتلميذ المضروب "علقة", ولا يبدو عليها انها فهمت شيئا من مخططه, وصل في الثامنة وعشر دقائق.

أحمد* هههههههههههههههههههههههههههههه
"مش قادر يتكلم من كتر ما بيضحك في دماغه"

**************
وقفت منى تنظر يمينا ويسارا , وعيناها لا تفارقان الساعة التي كانت تتحرك ببطء شديد بالنسبة لوضعها منتظرة احمد, وبسرعة بالنسبة لميعاد الدرس.
منى* اهه وصل , يادي الكسوف, لما نشوف هيحلها ازاي الفالح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
داليا
مشرف
avatar

عدد المساهمات : 947
نقاط : 9714
تاريخ التسجيل : 29/08/2010
العمر : 26

مُساهمةموضوع: رد: "يوميات منى و احمد فى الصحوبيه"   الإثنين 13 سبتمبر 2010, 6:51 pm

جميل ياحبوبه
وانتي قاصده تشوقينا ولا ايه؟ جايبه حلقه واحده المره دي؟!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lover
مشرف
avatar

عدد المساهمات : 764
نقاط : 9932
تاريخ التسجيل : 28/03/2010
العمر : 25

مُساهمةموضوع: رد: "يوميات منى و احمد فى الصحوبيه"   الإثنين 13 سبتمبر 2010, 6:55 pm

سوري يا داليا المرة دي
اصلي مش فاضية دلوقتى
باذن الله تلاقي حلقتين بكرة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
داليا
مشرف
avatar

عدد المساهمات : 947
نقاط : 9714
تاريخ التسجيل : 29/08/2010
العمر : 26

مُساهمةموضوع: رد: "يوميات منى و احمد فى الصحوبيه"   الإثنين 13 سبتمبر 2010, 7:07 pm

لا عادي براحتك طبعا أنا بهزر معاكي .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ahmed
المدير العام
المدير العام
avatar

عدد المساهمات : 1111
نقاط : 12640
تاريخ التسجيل : 11/02/2010
العمر : 26

مُساهمةموضوع: رد   الإثنين 13 سبتمبر 2010, 11:18 pm

شكرا كتيررررررر / lover ، أنا شايف أن منى لغاية الحلقة دى هى الى غلطانة طبعا .. الكل نصحها وهى حرة

_________________
ما زلت أسكن في عيونك
مثل حبات النهار...
أطياف عطرك بين أنفاسي
رحيل .. وانتظار
ما زلت أشعر أننا عمر
نهايته .. انتحار
والحب مثل الموت
يجمعنا .. يفرقنا
وليس لنا اختيار
هل تنجب النيران
وسط الريح شيئا
غير نــــــــــــار..


[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tarbiaa.yoo7.com
lover
مشرف
avatar

عدد المساهمات : 764
نقاط : 9932
تاريخ التسجيل : 28/03/2010
العمر : 25

مُساهمةموضوع: رد: "يوميات منى و احمد فى الصحوبيه"   الثلاثاء 14 سبتمبر 2010, 12:19 am

هو واضح ان منى على نياتها اوى و مش فاهمة حاحة , بس انا معاك انها غلطانة لانها مسمعتش للي نصحوها
لكن الاكيد كمان ان احمد مش صح خاااااااااااالص

................. شكرا كتير لمرورك و تعليقك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ahmed
المدير العام
المدير العام
avatar

عدد المساهمات : 1111
نقاط : 12640
تاريخ التسجيل : 11/02/2010
العمر : 26

مُساهمةموضوع: رد: "يوميات منى و احمد فى الصحوبيه"   الثلاثاء 14 سبتمبر 2010, 1:00 am

احنا لو بصينا هنلاقى ان منى مش علانيتها ولا حاجة هى فاهمة طبعا وهى المسئولة عن كل الى هيحصلها لأن نوعية الانسان الى اسمه أحمد دى اكيد هنلاقيها فى الجامعة كتير وللأسف طلع فى الحلقات اسمه أحمد ، ما علينا وهى كانت عارفة من الأول ، المفروض مكنتش تتصرف بالطريقة دى خالص ،ولا انتم ايه رأيكم؟؟؟؟؟؟؟؟

_________________
ما زلت أسكن في عيونك
مثل حبات النهار...
أطياف عطرك بين أنفاسي
رحيل .. وانتظار
ما زلت أشعر أننا عمر
نهايته .. انتحار
والحب مثل الموت
يجمعنا .. يفرقنا
وليس لنا اختيار
هل تنجب النيران
وسط الريح شيئا
غير نــــــــــــار..


[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tarbiaa.yoo7.com
lover
مشرف
avatar

عدد المساهمات : 764
نقاط : 9932
تاريخ التسجيل : 28/03/2010
العمر : 25

مُساهمةموضوع: رد: "يوميات منى و احمد فى الصحوبيه"   الثلاثاء 14 سبتمبر 2010, 1:09 am

سوري على الاسم بس و الله انا ناقلاهالكم زى م الكاتبة كتباها بالظبط فمش عارفة اذا كان من حقي اغير الاسم او لا
و انا قلت ان منى غلطانة طبعا و للاسف هتتمادى اكتر ف الغلط و هتشوفو ده ف الحلقات اللى جاية..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
داليا
مشرف
avatar

عدد المساهمات : 947
نقاط : 9714
تاريخ التسجيل : 29/08/2010
العمر : 26

مُساهمةموضوع: رد: "يوميات منى و احمد فى الصحوبيه"   الثلاثاء 14 سبتمبر 2010, 2:22 pm

ممكن تقولوا هبله مش غلطانه أو حبه تتمادي أو تعيش تجربه جديده.
وللأسف دا بيحصل كتير أوي مع بنات كتير ودا بيبقي لا من قله خبرتها يامن أصحابها.
وبعدين لو هي كده او علي نياتها ما الشيطان اللي اسمه أحمد "معلش يعني ياأحمد" مايعتبرها ذي أخته ويحترم نفسه شويه وأنا من خبرتي يعني في علم النفس بقول ان الولد ده مريض عنده صراع مع نفسه عاوز واحده ذيي تظبطه .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ميرنا
مشرف
avatar

عدد المساهمات : 501
نقاط : 9330
تاريخ التسجيل : 29/06/2010
العمر : 26

مُساهمةموضوع: رد: "يوميات منى و احمد فى الصحوبيه"   الثلاثاء 14 سبتمبر 2010, 4:24 pm

يبقى انتى عليكى علاجه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ahmed
المدير العام
المدير العام
avatar

عدد المساهمات : 1111
نقاط : 12640
تاريخ التسجيل : 11/02/2010
العمر : 26

مُساهمةموضوع: رد: "يوميات منى و احمد فى الصحوبيه"   الثلاثاء 14 سبتمبر 2010, 4:26 pm

ههههههههههه ، ما أنا قلت نغير الاسم يالا مش مشكلة .. أنا قلت الى نوعية الانسان ده موجودة كتيررررر وبتبقى معروفة.

_________________
ما زلت أسكن في عيونك
مثل حبات النهار...
أطياف عطرك بين أنفاسي
رحيل .. وانتظار
ما زلت أشعر أننا عمر
نهايته .. انتحار
والحب مثل الموت
يجمعنا .. يفرقنا
وليس لنا اختيار
هل تنجب النيران
وسط الريح شيئا
غير نــــــــــــار..


[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tarbiaa.yoo7.com
داليا
مشرف
avatar

عدد المساهمات : 947
نقاط : 9714
تاريخ التسجيل : 29/08/2010
العمر : 26

مُساهمةموضوع: رد: "يوميات منى و احمد فى الصحوبيه"   الثلاثاء 14 سبتمبر 2010, 4:28 pm

أكيد ياأحمد بتبقي معروفه.
وأنا موافقه ياميرنا هاتيه وأنا أعالجه.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ميرنا
مشرف
avatar

عدد المساهمات : 501
نقاط : 9330
تاريخ التسجيل : 29/06/2010
العمر : 26

مُساهمةموضوع: رد: "يوميات منى و احمد فى الصحوبيه"   الثلاثاء 14 سبتمبر 2010, 4:31 pm

انا مع ان الغلط الاكبر عليها هى لان الشخصيه دى موجوده بس الصح انها تصده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lover
مشرف
avatar

عدد المساهمات : 764
نقاط : 9932
تاريخ التسجيل : 28/03/2010
العمر : 25

مُساهمةموضوع: رد: "يوميات منى و احمد فى الصحوبيه"   الثلاثاء 14 سبتمبر 2010, 6:03 pm


الحلقه الحاديه عشر




احمد: معلش اتأخرت عليكي.
أحمد* انا قاصد الطعك
منى: لا مفيش حاجه , عادي.
منى* دانا كنت هتشل بقالي ربع ساعة
احمد: ادي ياستي كوكو بارك , ايه الي موقفك هنا بقي؟ ,البرج بعد ما نعدي العربيات , على الرصيف التاني.
أحمد* ايوه ,قدام عنيكي يا عميا
منى: رصيف تاني؟؟!! , انت مش قلت انه تاني شارع اول عمارة, قدام كوكو بارك؟؟
منى*نعم ياخويا؟؟؟
احمد:على الناصية , قدام كوكو بارك , يعني تعدي العربيات.
أحمد* وكنت عارف انك غبية وهتفهميها على كيفك , زي منا عايز برضه
منى وهي تكاد تنفجر غضبا
منى: منا مكنتش عارفة ان قدام كوكو زفت فيه شارع رئيسي وشارع جانبي, طبعا مجاش في بالي اني اعدي الناحية التانية.
منى*انا اصلا مفهمتش منك حاجة ساعة ما شرحتلي
احمد: معلش انا اسف مفهمتكيش كويس.
أحمد*وانتي شربتيها ,هتروحي مني فين؟
نظر احمد في ساعته متظاهرا الانزعاج
احمد: احنا اتأخرنا جامد ,دي الساعة بقت 8 وربع.
أحمد* قدامي يا فالحة
منى: طيب بسرعة بقي.
منى* انا همشي معاه في الشارع لوحدنا ازاي دا , يا ارض انشقي وابلعيني
************

مشت منى بجانب احمد وبينهم مسافة كبيرة وكأنهم لا يسيران سويا, بينما سار احمد لا يتكلم وكأنه لا يعنيه ان كانت تسير بجانبه او في شارع تاني ,وان كان يحاول اظهار نفسه بمظهرالمؤدب.
وصلا للمكان في اقل من دقيقتين .

احمد: اهه البرج .
قرأت منى على مدخل البرج
منى: برج الرحمة, اخيرا.
التفتت منى اليه,وزفرت قائلة
منى: انا مش عارفة اشكرك ازاي .......؟؟, شكرا بجد.
منى* مع انك لففتني السبع لفات بس شكرا
احمد: تشكريني على ايه يا منى ؟ انتي عبيطة؟
أحمد* انتي لسه شفتي حاجة
وقبل ان ترد عليه استعدادا للصعود , سمعا اصوات لشباب يخرجون من المصعد , فالتفتا ينظران ناحية مصدر الصوت ,حتى وصل اصحاب الصوت اليهم
احمد: حسان .
صاح احمد وسلم على الشاب الاول , ثم على الفتاتين الاتيتين معه, بينما وصل مجموعة اخرى من الشباب ينزلون على السلم, وسلم معظمهم على احمد بينما منى تكاد تنكمش من الاحراج, لقد تعرفت علي معظمهم , وكيف لا وهم جميعا سنة اولى , اي زملائها بالكلية.
منى* يانهار ابيض, انا ايه الي بيحصلي ده , وقال انا الي خايفة حد يشوفني معاه في الشارع, يقومو يشوفوني في مدخل العمارة الي فيها الدرس بتاعي كأنه صاحبي وبيوصلني, يادي الفضيحة
احمد: انتو كنتو عند وائل صح؟
حسان: اه , مجموعة تمانية , بس هو خلص في السريع ,انتي كنتي طالعة يا مني ولا المجموعة الجاية؟
لم يبد على منى انها تستطيع الكلام اصلا فقد كانت ممتقعة جدا, حتى ان احمد رد بدلا منها
احمد: لا كانت طالعة المجموعة دي, هو نزلكو بسرعة ليه؟
أحمد* هي هيجيلها سكتة قلبية اصلا ,هههههههههههههههههههه
حسان: دا بس كان بيتعرف علينا وكده وبيظبط الدنيا وهنبدأ المرة الجاية.
أحمد* طب منا كنت عارف انه بيعمل كده
التفت حسان الي منى قائلا
حسان: متخافيش يامنى مفاتكيش حاجة, بس تعالي المرة الجاية بدري ؟
تململت الفتاتين الاتيتين مع حسان فقال
حسان: ماشي يا ايمو , سلام انا عشان اوصل الجماعة , اشوفك في الكلية.
ثم ضرب على كتفه وهو يغادر مسرعا قائلا وهو يبتسم
حسان: متبقاش تأخرها المرة الجاية , سلام.
وقع قوله على منى كالصاعقة التي افقدتها النطق.
منى*هي مين دي الي ما يأخرهاش ؟ّّّّّ!!! , يا نهار اسود ومهبب
أحمد*ههههههههههههههههههههههههههههههههههههههه
التفت احمد الي منى بعد رحيل الجميع وهو يجاهد للسيطرة على ابتسامة تقاوم شفتيه, محاولا ابداء الاسي على وجهه
احمد: انا اسف يا منى بجد, فاتتك الحصة دي.
أحمد*المرة الجاية مش هأخرك , ههههههههههههه
منى كالمصدومة
منى: انا عايزة اروح.
منى*روح يا شيخ الله يسامحك
احمد: حاضر ,تعالي اركبك تاكسي
أحمد* انا قلتلك مش هتيجي بمزاجك هجيبك غصبن عنك
منى: لا شكرا , انا هعرف اركب تاكسي.
منى* ابعد عني الله يسترك, كفايه كده
احمد : طيب براحتك,انا همشي , سلام.
أحمد*براحتك يا مزة , بس انتي خلاااااص, كل الناس عرفت انك تبعي , كفاية عليكي كده النهاردة لحسن تموتي مني
منى:.........
منى*انا ايه ياربي الي بيحصلي ده
التفتت منى واختفت من امامه بسرعة وكأن شبحا يطاردها بينما توقف هو يراقبها معجبا بنفسه, وكيف ان الامر كله حدث كما خطط له تماما.
أحمد*خلاص ياموني , هانت , اصل هتعملي ايه والحكاية لابساكي لابساكي؟, مسيرك هتسلمي, والزن على الودان امر من السحر , منا هجيبك هجيبك يامدوخاني
منى*................................................ ...........
" عاجزة عن التفكير تماما من الصدمة "
********************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lover
مشرف
avatar

عدد المساهمات : 764
نقاط : 9932
تاريخ التسجيل : 28/03/2010
العمر : 25

مُساهمةموضوع: رد: "يوميات منى و احمد فى الصحوبيه"   الثلاثاء 14 سبتمبر 2010, 6:04 pm

كفاية عليكو النهاردة حلقة واحدة لانها طويلة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ahmed
المدير العام
المدير العام
avatar

عدد المساهمات : 1111
نقاط : 12640
تاريخ التسجيل : 11/02/2010
العمر : 26

مُساهمةموضوع: رد: "يوميات منى و احمد فى الصحوبيه"   الثلاثاء 14 سبتمبر 2010, 6:18 pm

اه قريناها الحمد لله .. احنا مش مستعجلين عقال أخمد ما يدبر حيلة تانية...هههههههههه

_________________
ما زلت أسكن في عيونك
مثل حبات النهار...
أطياف عطرك بين أنفاسي
رحيل .. وانتظار
ما زلت أشعر أننا عمر
نهايته .. انتحار
والحب مثل الموت
يجمعنا .. يفرقنا
وليس لنا اختيار
هل تنجب النيران
وسط الريح شيئا
غير نــــــــــــار..


[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tarbiaa.yoo7.com
داليا
مشرف
avatar

عدد المساهمات : 947
نقاط : 9714
تاريخ التسجيل : 29/08/2010
العمر : 26

مُساهمةموضوع: رد: "يوميات منى و احمد فى الصحوبيه"   الثلاثاء 14 سبتمبر 2010, 9:48 pm

اه الحمد لله انها كانت واحده عشان انا مش قادره بجد
بس جميل ياحبوبه ومجهودك أجمل ربنا يخليكي لينا ودايما تجبيلنا ماتشات أحمد المريض.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ميرنا
مشرف
avatar

عدد المساهمات : 501
نقاط : 9330
تاريخ التسجيل : 29/06/2010
العمر : 26

مُساهمةموضوع: رد: "يوميات منى و احمد فى الصحوبيه"   الثلاثاء 14 سبتمبر 2010, 9:56 pm

ماشى كفايه كده النهارده
معلشى احنا بنتعبك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lover
مشرف
avatar

عدد المساهمات : 764
نقاط : 9932
تاريخ التسجيل : 28/03/2010
العمر : 25

مُساهمةموضوع: رد: "يوميات منى و احمد فى الصحوبيه"   الثلاثاء 14 سبتمبر 2010, 10:12 pm

لا ابدا لا تعب و لا حاجة
اللى يهمنى بس انكو تكونو مستمتعين cheers cheers cheers
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
داليا
مشرف
avatar

عدد المساهمات : 947
نقاط : 9714
تاريخ التسجيل : 29/08/2010
العمر : 26

مُساهمةموضوع: رد: "يوميات منى و احمد فى الصحوبيه"   الثلاثاء 14 سبتمبر 2010, 10:15 pm

مستمتعين جدا.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lover
مشرف
avatar

عدد المساهمات : 764
نقاط : 9932
تاريخ التسجيل : 28/03/2010
العمر : 25

مُساهمةموضوع: رد: "يوميات منى و احمد فى الصحوبيه"   الأربعاء 15 سبتمبر 2010, 12:30 am

الحمد لله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lover
مشرف
avatar

عدد المساهمات : 764
نقاط : 9932
تاريخ التسجيل : 28/03/2010
العمر : 25

مُساهمةموضوع: رد: "يوميات منى و احمد فى الصحوبيه"   الأربعاء 15 سبتمبر 2010, 1:16 am

الحلقه الثانيه عشر




بعد حادثة الدرس , اصبحت منى في وضع لا تحسد عليه, على الرغم من ان الوضع كله كان عاديا, وانها كان يكفي ان تنكر او لا تتحدث في الموضوع فينسى وحده, الا ان شعورها الداخلي بالذنب كاد يقتلها, فتضاعف لديها الاحساس بان الدنيا كلها علمت ما بها , فكان كلما سألها احد عن احمد او مر اسمه على اذنيها تعصبت وتغير مزاجها واستشاطت غضبا, وما كان كل ما تفعله الا تأكيدا بالنسبة للناس لما يقال عنهما.
اما احمد , فكان كالذي اصاب هدف بعد طول انتظار, صحيح انه لم يكن هدفا بالمعنى المعروف الا انه كان اول طرقة على لوح الثلج , واول تنفيذ عملي لخطته لايقاع منى, فقرر اكمال جولته وذلك بتجاهل منى طالما كانت وسط اصدقائها والتقرب منها كلما اختلت بنفسها , وان صدته فقد يبدو من بعيد انه تخوفا منها ان يراهما احد سويا.
**************


سارة:هتفضلي لحد امتى مبوزة, ماخلاص الي حصل حصل وعدا عليه اسبوع كمان.
منى: انا مش مبوزة , وبعدين انا مش متضايقة عشان كده.
سارة: طب ممكن افهم انتي بقيتي رخمة ليه؟ ,مش ترحمينا بقي.
منى: انا مش رخمة ولا حاجة ,اديني بضحك اهه, هيهيهيهي.
سارة: ثصدقي استرخمتك اكتر, ..........بقولك ايه , ايمو جاي , اسبتي بقي ومتجريش , انتي واقفة معايا , خليكي راجل.
منى: لا ياسارة ربنا يخليكي , سيبيني امشي, انا مش هقدر اقف معاكو.
سارة: يا منى كده مش هينفع حلي مشكلتك بانك تواجهيها.
منى: معلش ياسارة , اكيد هواجهها بس مش دلوقتى , انا همشي وابقي اكلمك لما اروح ,سلام.
**************
أحمد* الساعة 11 الا ربع , مش دلوقتي استني شوية كمان , خليها تبقي لوحدها ,هانت يا منى , انتي على اخرك,اهي بقت 11 اتصل بقي

منى* استغفر الله العظيم, ودا بيتصل ليه دا بقى دلوقتى؟
ردي
نعم؟ لا طبعا
انتي خايفة من ايه ؟ مش سارة قالتلك واجهي مشكلتك اهي المشكلة جاتلك لحد عندك عشان تواجهيها , وبعدين انتي لوحدك مفيش حد شايفك, ردي واخلصي من الموضوع دا كله بقي
يعني ارد؟؟؟,.....اووووف, طيب
منى: السلام عليكم.
احمد: وعليكم السلام , ازيك يامنى؟
أحمد* بالراحه علينا شوية يا ست منى
منى: الحمد لله....................؟؟؟؟
منى* خلص بقي عشان انا مش طايقاك
أحمد*شكلها هتشتمني , اما ادخل في الصميم على طول ,عشان ابان اني واضح وصريح
احمد: بصراحة يامنى انا فكرت كتير قبل ما اتصل , وكنت تقريبا مش هتصل , بس كان لازم اقولك.
منى: .....................
منى* ياتري ايه الموضوع؟؟؟
احمد: انا بصراحة حاسس انك بتتهربي منى , وحاسس اني عارف ليه, لو دا كان بسبب كلمة حسان, فانا حبيت اقولك انا اسف لاني احرجتك من غير ما اقصد , وانا مستعد اعمل اي حاجة عشان اعتذر , انا لاحظت اني لما باجي جمبك بتهربي منى كاني عفريت, لو يريحك اني مقربلكيش خالص في الكلية ,انا مستعد, انا بس محبتش يبقي الي بينا ينتهي كده , احنا برضه "اصحاب" قبل كل حاجة, وانا يهمني مصلحتك وراحتك.

أحمد*انتي لومتسبتيش بعد الكلمتين دول ابقي انا حمار و تبقي انت بت حديد
منى*هو انا كنت قليلة الزوق معاه للدرجة دي؟؟؟,انا شكلي مزعلاه اوي
منى: بصراحة يا احمد, انا كنت اتضايقت شويه بس هو مفيش حاجة ,وانا فهمت اصحابي ان مفيش حاجة , وهو اصلا مفيش حاجة, مش كدة؟
منى* ايه الي انتي بتقوليه دا؟
أحمد* بالله عليكي انتي مصدقة نفسك اصلا
احمد: طبعا مفيش حاجة, بس انا كنت خايف ان اللى حصل يأثر على صحوبيتنا ,وكنت خايف تتجاهليني , بس الحمد لله انك فاهمة الموضوع صح , انا عن نفسي استريحت لما كلمتك , يارب مكنش تقيل عليكي.
أحمد* معلم وهتفضل طول عمرك معلم , قفل انت بقي خليها هي الي هتبقي ميته عليك
منى: لا ابدا والله , لا تقيل ولا حاجة, انا برضة استريحت انك فتحت الموضوع.
منى* ايوة كده واجهي مشكلتك زي ما سارة قالت
احمد: طيب , مع السلامة بقي , عايزة حاجة؟
أحمد* عايزة مقفلش طبعا
منى* ايه دا تقفل ايه , انت متضايق منى للدرجة دي , ماشي , ملحوقة
ايه يا مني اتلمي , انت عايزة تكلميه ليه؟
منى: لا شكرا, مع السلامة.
واغلق دون كلمة اخرى.
****************

أحمد*البت دي انا مش فاهملها ناصحة ولا مؤدبة ولا صايعة ولا ايه بالظبط, تفتكري انتي بجد مؤدبة يا منى ؟ , هو لسه فيه بنات مؤدبة اصلا, بس دي لو طلعت مؤدبة تبقى لقطة يا واد يا ايمو, ومستعجل على ايه بكرة نعرف, بس لو طلعتي مؤدبة , محدش هياخدك غيري
منى*كويس انه اتصل , انا دلوقتى استريحت , مادام هو مش مكبر الموضوع , انا هكبره ليه , وبعدين دلوقتى نقدر نرجع "اصحاب" تاني , ومفيش مشكلة اني اكلمه في الكلية , عادي , زيه زي اي حد, انا كنت بعامله ايه زيادة يعني؟ , باخده بالحضن؟
" هي في دنيا وهو في دنيا تانية خالص"


^
^
^
^
^
^
^
^




الحلقه الثالثه عشر



وقف احمد مراقبا منى من بعيد, لم يرها هكذا من قبل , متفتحة كالوردة وسعيدة , تتحرك بين الفتيات في سرور, لطالما رآها مكتئبة او خجلي, ولكن لم يكن يشغل باله بملاحظة انفعالاتها حين لا يكون هو محيطا بها , ولم يسبق له ان رآها مشرقة هكذا, انتفض احمد, لقد ارتعب مما يحدث له .

أحمد* جرى ايه ياسي ايمو انت بتعمل ايه؟ , لا, احنا ملناش في الدور دا , احنا بتوع خفيف خفيف , اه , بلا حلوة بلا لذيذة , طلعها من دماغك , لو هتشغلك اوي للدرجة دي يبقي نخلع من اولها
لا , تشغل مين ياعم عيب عليك دانا ايمو برضه , هي بس غريبة شوية
لا يا حبيبي ماغريب الا الشيطان , انت بيخش عليك الكلام دا, كلهم زي بعض ولا انت نسيت
مانستش ولا حاجة , بس دي لازي البنات الي عرفتهم ولا حتى زي صافي
بقولك ايه ,كان كفايه عليك صافي اوي , ونتعلم بقي ونتلم ونعرف ان طنطا زي فرنسا , كلهم عجينة واحدة
بس دي .... مش عارف ....بص كده..... شكلها .... يعني حاجة تانية
بلا تانية بلا تالتة , انت هتضيع نفسك عشان بنت , فوق كده ياسي ايمو وخش عليها واثق من نفسك
عندك حق بلا كلام فاضي
ايوه كده, قال شكلها قال
**************

اقترب احمد من موقع منى وصديقاتها , وهو يفكر , هل ستصده بعد ما قدم من اعتذارات؟
التفتت منى فاذا باحمد بجانبها فأشرق وجهها بابتسامة , وقد عهدها مرتبكة دائما , الا انها بدت اليوم اكثر هدوئا وثقة.

منى: ازيك يا احمد؟.
أحمد*مبحبش حد يقولي احمد, قوليلي ايمو زي الناس متعمليش فيها مرتبطين
احمد: الحمد لله , ازيك انتي؟
منى: تمام.
وعاد الجميع للحديث , فانتحى احمد بمنى في حديث جانبي .
احمد: اخبار الكورس ايه؟ الواد وائل بيفهم ولا....؟.
منى: اه , الحمد لله , احنا لسه في الاول بس ربنا يستر نلحق نلم المادة قبل امتحان الترم.
احمد: لو عايزة بجد حد يذاكرلك, البت شيرين ممكن تقسملك المادة وتساعدك فيها.
منى: وعلى ايه , احنا متابعين كويس مع استاذ وائل.
وبينما يتحدثان ,اقترب منهما شاب رقيع يتغنج في طريقة كلامه.
ميمي: هاي منى , ازيك؟ , هاي يا ايمو.
منى: ازيك يا ميمي؟
منى*ودا وقته
أحمد*ازيك ياخويا , ودا يطلع ايه دا
احمد: .................
قال لمنى بطريقة الكلامة المتهدجة المغنجة.
ميمي:منى ,انتي ندلة.
منى: ليه كده؟
ميمي: انتي مش قولتي هتحولي معانا مجموعتنا , وطنشتي خالص, اخص عليكي بجد.
منى* انت ايه الي بتهببه دا,الله يخرب بياك هي ناقصة مياصتك
ارادت منى ان تجيب الا ان سبق احمد بالرد في لهجة تحمل شيء من العدائية .
احمد: على فكرة مينفعش انك تحول مجموعة عند وائل , مبيرضاش.
أحمد* شيل نفسك وغور من قدامي,بدل ما اقلع الجزمة واعدلك بيها
منى : معلش يا ميمي , المرة الجاية مش هحجز الا معاكو.
أحمد* يا سلام انتي كمان
منى تحاول ان تغير الموضوع.
منى: انت عيان ولا حاجة , شكلك نايم ع الاخر.
منى* ولا انت طريقة كلامك بقت مايعة زيادة
قال بدلع .
ميمي: اه , خالص, انا من التوهان الصبح لبست تي شيرت اخويا الصغير حمادة.
أحمد*تي شيرت اخوك الصغير ولا كومبليزون مامي
منى: ياحرام .
أحمد* ياحرام ايه انتي كمان , هضربك قلمين
نادت على ميمي فتاة , فاشار لها برأسه ,ثم التفت اليهما.
ميمي : انا همشي بقي يا مونى , باي يا ايمو.
منى: باي.
أحمد*امشي يلا يابن ال.................., مونى دي خالتك
********************

أحمد* مالك ياايمو , انت قالقني على فكرة , متفكرش كتير بقي وارحمني
لا , انا مش بفكر ان فيه حاجة لا سمح الله, انا بس خايف لا البنت تضيع منى ,الصبيان كترت حواليها , ولو شاورت عقلها هتلاقي انها حلوة وظريفة وان فيه ناس كتير احسن منى
اوعى تقول كده, هو فيه احسن منك؟؟, دانت ايمو الي مصمص السمكة, حتة بت مفعوصة زي دي هتخوفك؟,ولا انت ميمي خوفك؟
ميمي مين دا ابو لبانة , دانا كنت هاكله, الواد كان ناقص يحط ايده في ايدها وهو واقف , ميمي ايه وبتاع ايه
لا انت تجمد كدة وتوريني الايام الجاية هتجيبها ازاي , متشغلش بالك بحاجات تانية
منا خلاص اخري كدة , عمري ماطولت مع بنت بالشكل دا, الا صافي طبعا, وبعدين انا خايف على نفسي زي ما بتقول, انا بقول سيبني منها , وبعدين لو شيرين او حد من الشباب عرف هيستنقصني , كلهم بيحترموها اوي , ومش اصول اعط مع قريبة حد منهم
سيبك منها ازاي , انت عبيط؟ , انت تكمل زي مانت , وتسكت متجبش سيرة لحد, وبعدين ادخل عليها دخلة صح اليومين الجايين , وبس , انشا لله تثبت لنفسك انك لسه زي زمان , وبعدين تفك
يعني انت شايف كده
طبعا, انت عمرك ما طلعت من حدوتة خسران , اوعى تخسر المرة دي
عندك حق, انا هكمل والي يحصل يحصل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lover
مشرف
avatar

عدد المساهمات : 764
نقاط : 9932
تاريخ التسجيل : 28/03/2010
العمر : 25

مُساهمةموضوع: رد: "يوميات منى و احمد فى الصحوبيه"   الأربعاء 15 سبتمبر 2010, 1:20 am

الحلقتين يا جماعة من بدري اهه
بس ادعولى ان اليوم النهارده يعدى على خير (عندى امتحان ICDL Crying or Very sad )
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ahmed
المدير العام
المدير العام
avatar

عدد المساهمات : 1111
نقاط : 12640
تاريخ التسجيل : 11/02/2010
العمر : 26

مُساهمةموضوع: رد: "يوميات منى و احمد فى الصحوبيه"   الأربعاء 15 سبتمبر 2010, 1:43 am

وليه تاعبة نفسك كده ... بجد شكراااااا كتيررررررر ...ويا رب التوفيق فى الامتحان ركزى بس اهم حاجة وربنا معاكِ.

_________________
ما زلت أسكن في عيونك
مثل حبات النهار...
أطياف عطرك بين أنفاسي
رحيل .. وانتظار
ما زلت أشعر أننا عمر
نهايته .. انتحار
والحب مثل الموت
يجمعنا .. يفرقنا
وليس لنا اختيار
هل تنجب النيران
وسط الريح شيئا
غير نــــــــــــار..


[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tarbiaa.yoo7.com
 
"يوميات منى و احمد فى الصحوبيه"
الرجوع الى أعلى الصفحة 
صفحة 3 من اصل 10انتقل الى الصفحة : الصفحة السابقة  1, 2, 3, 4, 5, 6, 7, 8, 9, 10  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدي كلية التربية جامعة المنصورة :: منتدى التعارف والصداقة :: منتدى الحوار والمناقشات المفتوحة-
انتقل الى: